امبارح كنت باتفرج على التلفزيون و بحل سودوكو...قلت اسمع اغانى من على روتانا طرب زمان فيها فيروز دلوقتى...حاجة جامدة يعنى و سالتك حبيبى لوين رايحين....كان فيديو كليب او اغنية مصورة بمعنى اصح...الكاميرا مانزلتشى من على وشها,, بالكتيير جابو كتفها,,عحبنى اوى الاحترام اللى كان فيهم,,على عكس ميلودى بقى و مزيكا,,لما نشوف عليهم ايه....يانهااااااار...نزلوا بالكاميرا لتحت ...فيروز مش ميلودى,,لابسة بلوزة زرقا و جونلة زرقا...مش باين منها غير ايديها ووشها...و ربطة شعرها بفيونكتين...اه وربنا...لا لا لا ,,,انا لازم اشوف ميلودى فيها ايه ,,ده احنا هانضحك ضوحك....يا حظى الاسود...مش كدب ولا فبركة بس لاقيت الست هيفا (وصفا لا اسماً) و رجب حوش صاحبك...هى ايه بقى فكرة الكليب ده اصلا يعنى ؟!و عايزين يوصلونا لايه منه..فضلت افكر...بس مافيش اى حاجة..(لو حد يعرف يقولى),,قلبت عشان قرفت,,,لقيت مسيو سعد النونة الصغنن كوتومونس بيقول مبروك و فى فرح و عيال صغيرة بيرقصوا بشكل رائع(انا مصور عيال من دول فى فرح فى الشارع نفس الاسلوب..هابقى احطهم هنا )...
مى كساب دى بقى ...زى العسل بجد تحفة البنت دى
و امينة شلباية طيبة و حنينة موزعة نمرتها فى الاعلانات عشان اللى بشرتها تعبانة او حاسة انها جربانة او عندها هلالات سودة او وزنها مالى الاوضة او شعرها بيقع و هاتقرع باذن واحد احد تتصل بيها
مزيكا زوووم ...عالمكشوووووف...مكشووف اوى يعنى..ناس واضحين و صرحا
البتاع اللى بيخنقنى بقى عداد الحب ده....ده انا ممكن ابعت اسمى و اسم كائن فضائى و هايطلع نتيجة برضوا,,,,,غبااااااااء...علاقة خيالية..علاقة متخبطة..حب و انسجام..صداقة ناجحة.....طب فى واحد بعت الاسم (انا....زوجتى) النتيجة علاقة مقطوعة,,يروح يطلقها,.,.,ميييين الحميييييير اللى بيبعتوا دوول...ده غباء ولا غباء الأبل و معييز الجبل
انا اكتشفت انى مش عارف ام كلثوم شكلها ايه...عمرى ماخدت بالى من تفاصيلها....مش عارف ليه !!ممكن عشان باركز مع صوتها او الصوت هو اللى بيحبرك انك تركز معاه و يشغلك اوى عن اى حاجة...او يمكن المخرج كان محترم...او الناس (محترمين و غير...)ماكنتشى ساعتها بتعوز من ام كلثوم غير ان هما يشوفوها و هى بتغنى و هى ماسكة المنديل.
طبعا دلوقتى الوضع اختلف تماما و بقى فى متطلبات اخرى لنجاح المغنى ..بسبب اختلافات(محورية و جوهرية) كتيرة اوى...فى الصوت و فى المخرج و فى اللى الناس عايزاه من المغنى...و يبقى يوم السعد و الهنى لما الواحد يقفش على موبايل صاحبه فى القهوة مشهد سيكو سيكو لمغنية او حتى واحدة شبهها
هو ده كده من الناس؟؟والا من اللى بيغنوا...يعنى لو ام كلثوم او فيروز عايشين دلوقتى...كان ممكن نلاقى واحد بيقول لصاحبه ماعندكشى مشهد لام كلثوم او صورة من اياهم لفيروز...الله اعلم...
ياااااااااااااااااااااه...اخيرا...حليتها...خلصت السودوكوهايا...احمدك يارب
5 comments:
زمان ام كلثوم عملن الاطلال وعبد الوهاب عمل الوطن الاكبر
دلؤتي هيفا عملت الواوا
وسعد عمل بحبك يا حمار
مبروك يامعتز الف الف مبروك مبروك تلات مرات
أول مرة علي البوست الجديدة وتاني مرة علي السودوكو اللي خليتها ولو اني مش مصدقة
تالت مرة بقي عشان سمعت فيروز واستمتعت بفن راقي وصوت مافيهوش غلطة وناس بتغني مش بتتخانق
والله الأغاني بقت عجيبة فعلا مش ممكن يكون الواحد بيسمع الأغاني ديه عشان يتبسط مفيهاش حاجة تبسط خالص
استمر علي فيروز خصوصا انك عرفت تحل السودوكو
كدة يا معتز نسيت لمياء ولا هو علشان انا مش صحبتك من زمان على العموم انا مش زعلانة منك وكلامك زى السكر ( بسم الله ماشاءالله عليك ) ربنا يحميك ويوافقك يا ميزززو يا عسل
والله يا ميزو انا هاختلف معاك
لأن من ناحية نجاح هما ناجحين
ويستاهلو النجاح
بس هوا مين اللي بيصنع النجاح؟؟؟
احنا اللي بنصنعو ونحمد ربنا انها جت على قد كده
يعني الست هيفا او الأمورة نانسي او اليسا بقو اكثرهن احتراما
ربنا يستر من اللي جي ومن النجاحات القادمة
احنا اللي هانقدر نحكمها
ماهو ده موجود موجود وزمان كان فيه ارخي الستارة الي في ريحنا وما بالك بالايحاءات .... ودلوقتي فيه جوليا بطرس ومحمد منير ... القضية ان الفضائيات معليهاش رقابة وكل شئ بقى متاح .... وانتا الي بتختار .....
بالمناسبة فيروز لسة عايشة :)
Post a Comment