مش عارف اعمل ايه

مش عارف اعمل ايه
اقوله والا ايه
انا بالى بيه مشغول
بس انا خايف على طول

بيقولوا خايف ليه
لو في مستنى ايه
خايف يكون ناسينى
و انا مستنى عليه

انا قلبى يا ناس فى حيرة
بين صبر و بين كلام
و كل يوم و ليلة
مبقاش عارف ينام

بيقولوا خايف ليه
لو فى مستنى ايه
خايف يبقى فراق
و انا ماقدرش عليه

انا قلبى يا ناس فى حيرة
بين صبر و بين كلام
دلونى اعمل ايه
انا قلبى ذنبه ايه

قالوا هو عامل ايه
بيفكر والا ايه
رديت اعرف ازاى
قالوا من نظرة عنيه

تانى يوم اول ماشفته...قمت و جريت عليه
و لقيت نظرة عيونه...سحر شاددنى ليه
و بدل ماشوف حالى
جرالى اللى جرالى
و الحيرة زادت اكتر
غنيت اعمل ايه

23.10.2004

من اقرب الاغانى الى قلبى و لها معزّة عندى
 

مش حاسس غيرك

مباتشى حاسس حد غيرك.......مهما كانوا قريبين
ولا حد احن عليا منك........مهما كانوا حنين

و الوقت لو مش معاك
ليك بحس بشوق و حنين
و اللحظة لو مش وياك
فعلا بتكون زى السنين

صدقنى
لو قلت انك ليا كل حاجة
لو قلتلك بحبك اكتر من اى حاجة

ولو طال عمرى سنين و سنين
هاعيشوا شوق اخلاص و حنين

و ده كله كلمتين
عاللى انا حاسو جوايا

بحبك اوى

09.09.2006

مستي حبيبى"حاجة كده خفيفة"من وحى اللحظة

حاسس....انى تعبان
لكنى.....فرحان لانى
مستنى اشوف حبيبى

و هو بعيد عنى
قلبى تايه منى
و هو قريب منى
قلبى طاير بيغنى
غنوة حب لحبيبى

ده هوه نور عنيا
اقرب من كله ليا
لو يوم هايغيب عليا
مش عايز اليوم ده يجى

زى آدم و حوا

زى ما ربنا خلق ادم و حوا
عشان يكونوا لبعضهم
بتمنى يكون خلقنا
عشان نكون لبعضنا
و زى ماكل حاجة فى الدنيا
نصيب و قسمة
باتمنى تكونى قسمتى
و زى ماكل واحد ليه دنيا
بتمنى تكونى دنيتى

كل واحد فى الحياة
ليه نص تانى بيدور عليه
و لما فى مرة بيلاقيه
يتمنى انه يحافظ عليه
و انا لقيتك من زمان
باتمنى انى احافظ عليكى
و لقيت فيكى الحنان
باتمنى انى املى عنيكى
-----------------------
ماعرفتش اكمل البتاعة دى بقالى سنة و شوية فقلت اكتبها كده و خلاص
15.04.2007

زيك زى الناس

مابقاش ليكى فى قلبى
اى احساس
و خلاص بقيتى عندى
زى كل الناس
مابقتيش تهمينى
و خلاص مش بتشدينى
و لو تغيبى عن عينى
زيك زى الناس

و بتسألينى عن قلبى
قلبى مالك بيه
و حبك بقى ايه عندى
نسيته هو ايه
ماتجيش تانى تسألينى
و ياريت لو تنسينى
و لو فى يوم راح تجينى
هاسأل اسمك ايه

بعد ماكنتى معايا
معايا و مابتغيبيش
دلوقتى خلاص كفاية
نفسى ماشوفكيش
ابعدى من قدام عينى
صورتك بتعكر يومى
و لو هاشوفك يوم تانى
بحلم اكون شيش بيش

اول يوم مدرسة...او كلية

كلنا عارفين ان كل غلطة بنغلطها بتسبب فى اثر ليها بعد كده,,,الدكتور ممكن يغلط يموت انسان,,,المهندس يغلط يموت 100,,,رئيس يغلط يموت شعب....
بس انا مش هاتكلم على ده كله,,,انا بس عايز اتكلم على لما الانسان بيغلط فى حق نفسه ممكن يخسر قد ايه؟؟
هايخسر كتير اوى,,,هايخسر اصحابه اللى كانوا هايفضلوا معاه طول عمره
يخسر احلامه اللى كان بيحلمها
يخسر احساسه بالامان وسط ناسه و حبايبه
يخسر مستقبل كان ممكن يكون هو افضل مستقبل له
ممكن يخسر حياته كلها.....

النهاردة انا حسيت احساس غريب اوى,,,و اكتر ماهو غريب..فهو احساس مؤلم...مؤلم اوى اوى
بكل بساطة...حسيت زى ماكون طفل صغير رايح المدرسة اول مرة فى حياته كلها و هو من جواه مش عايز يروح...
ليه مش عايز يروح...مش عشان المدرسة وحشة ولا حاجة...بس عشان هو فاهم انه صعب انه يلاقى اصحاب حلوين فى المدرسة دى,,,و ان الناس اللى هايكون معاهم عمرهم ما هايكونوا زى الناس اللى قبلهم,,و انه احتمال يفضل وحيد فى المكان ده,,,عشان هو بقى بيحس بخيبة امل لما يروح المدرسة دى,,,عشان مش لاقى نفسه هناك,,,و ياما حاول يغير مكانه و معرفشى فقال قدرى و لازم ارضى بيه و سيبك من الاوهام....بس لما راح المدرسة...لقى الوهم ده موجود و حس ان الناس اللى فى المكان ده عيال معفنة و وحشين,,,زى ماكنت بقول "عيال شبيحة من بتوع السلف ديفنس"
المكان ده..كان فى اشخاص فيه موجدين قبل كده و رجعولوا تانى...بس انا مش عارفهم ولا هما يعرفونى...ماعرفشى منهم
غير ولد و بنت ....و احنا التلاتة اجمعنا على شئ واحد,,,هو ان الناس دى وحشين :")

بس انا عندى امل فى ربنا اننا نلاقى ناس زينا...و نكمل معاهم و يبقى اصدقاء لينا...يارب خليك معانا فى ضيقنا و محنتنا يارب

مسافر بلا هوية

كلما حاولت ان اجد لنفسى بين الناس مكان
لا اجد...فاشعر اننى لا انتمى لهذا المكان
و اننى شريد بلا هوية او عنوان
متناثر بين الازمنة ...مبعثر الكيان
فخطرت لى فكرة السفر فى الفضاء و الترحال عبر الزمان
فسافرت و انتقلت بين الازمنة و الاكوان
و فى كل زمان لا اجد لنفسى بين الناس مكان
لا اجد الا نظرات تشعرنى بالضعف و الحرمان
و انتهت رحلتى و لم اتذكر منها الا الآلام
و ما تبقى معى منها الا شيئان
الاول هو خيال انى انسان
و الثانية هى حقيقة اننى لا انتمى لاى زمان و ليس لى مكان

4.06.2007

على فكرة شهر 6 سنة 2007 ده كان من ازفت ايام حياتى و كنت عايش فيه لانى مش عارف اموت بس...حتى شوفوا الكلام اللى انا كاتب تاريخه فى شهر ستة

ممكن نبطل عبط بقى و نفوق

نحرم نفسنا ليه                  مادام احنا قادرين
نعمل مش عارفين              و احنا اصلا عارفين
نقول اننا تايهين                و طريقنا مش شايفين
و السكة احنا عارفينها         و فيها كتير دايرين
هى دى قلة ارادة               و الا احنا مش عايزين
نكون ملوك فى غابة           و عاجبنا اننا مساكين
بنقول بنتكعبل!                 ماهو غيرنا اهم ماشين
و الا احنا بنستسهل           و نقول ادينا قاعدين
لحد امتى هانقعد               و الناس متحملين
على كده احنا بنتاخر          و غيرنا متقدمين
و امتى بس نفكر              و نقوم متحركين
و امتى بس نوصل            ده الناس متلهفين
يشوفوا يوم الفرحة           لو حتى بس يومين
قوموا بينا يالا نمشى         فى الخطوة خطوتين
و اكيد فى يوم راح نوصل    و اكيد كده راجعين
بس انتوا قوموا معانا        و قولوا الصلا عالزين

عليه افضل الصلاة و السلام

اشطة عليا:D :D
4.04.2007

فكرة

فكرة...عدت فى بالى
فكرة...شغلالى خيالى

كل حلم حلمت بيه , لازم فى يوم احققه
و اللى قلبى يقول عليه , هامشى وراه واصدقه

انا حلمى فوق فى السما , حلمى ابعد من النجوم
لو هامشيله ميت سنة , ايوه اكيد هاوصل فى يوم

كل اللى نفسى فيه , اللى احلم بيه فى  يوم الاقيه
لو صاحبى فى باله حلم , يجى يوم يشوفه بعنيه

نفسى فى ناس متبسمة , بشوفوا الفرحة فى كل يوم
ولا حد يكون زعلان , ولا حد يبات مظلوم

نفسى فى عالم  مليان خير , نفسى فى عالم غير العالم
و يكون الطيب فيه متقدر , ميكونش العالى  فيه هو الظالم

---------------------
اعتقد ان ده حلم كبير...و صعب انه يتحقق فى ظروف زى اللى الناس بتعيش فيها
فى عالم فيه طفل بيتولد و كل العالم منتظره عشان هو ابن مشهور او مشهورة و فى طفل تانى بيتولد عشان يموت بالغدر
فى عالم فيه ناس بتموت من كتر ما بتاكل و ناس تانية بتموت عشان مش لاقيه تاكل
فى ظروف ظلام الظلم فيها غطى على نور العدل و دخان القمع فيها خنق كل حلم قبل مايتنفس...
و السلام عليكم

الخلفة ...وجع قلب

ا يه الحكاية بقى؟؟؟كل يوم خناقة,,,مرة مع ابوك و مرة مع امك!! و شخيط و زعيق و رزع و خبط و ضرب و امك هاتك يا صويت ,,,بدل ما تطفيها بتولعها اكتر..."احسن,,عشان خاطر تسمع كلام ابوك بعد كده,,,اديلو يا ابو العيال خليه يسمع الكلام"
يا عينى بتهدى النفوس,,,و الالب طبعا مش بيكدب خبر عشان يرضى الحكومة بدل مايطلع عليه اللى بيعملو فيك...
ده كله ليه بس ؟؟!! عشان انت مش بتسمع الكلام ....يابنى هما برضوا عايزينك احسن منهم برضه يعنى لازم تطلع الاول زى ماهما كانوا دايما من الاؤائل و ماتسبشى الكتاب من ايدك حتى لو كنت بتستحمى...عشان تعمل زى مابيقولوا دايما "يابنى انا طول عمرى باطلع الاول على مضرستى...-هاتى الشهادات يا ولية-عارف ده ليه عشان على طول بذاكر,,,و انا باكل بذاكر بشرب بذاكر,,,مش مصدق -يا ولية الشهادات-..."
يابنى لما يقولولك حاجة اسمع الكلام,,,ازاى يعنى و فى كلام عجيب ماينفعشى يتنفذ...انا هاديك امثلة على الطاعة و الادب ...
مثلا ابوك راجع من الشغل ياعينى تعبان و هلكان عايز ياكل و ينام و قالك انا داخل انام و اياك تصحينى...لو البيت بيولع سيبنى نايم ...انت فاهم لو ايه اللى حصل ماتصحينيش....لو حد اتصل انا نايم و مش هاصحى و مش عايز اصحى...انت فاهم..
يا عم و فيها ايه ماتسمع الكلام و انت ساكت يا اخى و نفذه برضه هو تعبان و هلكان فى الشغل و عنده ظروف و ضغط فى الشغل...بس اسمع انت كلامه,,,يعنى لو بعد مانام عمك اتصل و قالك ابوك فين يابنى,,,قله نايم...هايقولك صاحييه فى حاجة مهمة,,ولا يهمك منه و قوله نايم...حتى لو ساعتها قالك و هو بيبكى يابنى صحيه جدك تعيش انت,,ولا يهمك و اتمسك برايك وخليك مصر على رايك و اسمع كلام ابوك و قوله بالفم المليان "بابا..نايم"
طبعا امال ايه يابنى,,,هو ده الشغل الصح و هو ده سمعان الكلام...بس برضه مش كفاية
عشان تثبت انك بتحب تسمع كلامه اكتر و اكتر و تنفذه بحذافيره و بالكمة الواحدة...ادخل على المطبخ و هات الكبريت و على سريره عدل...وولع فى الدنيا وولا يهمك على ابوك المهم انه نايم هو قالك كده بنفسه "لو البيت بيولع انا نايم و ماتصحينيش"
و لو للاسف النار مسكت فى ابوك اوعى تصحيه دى خدعة...سيبه ينام و يرتااااااااااااح فى نومه و انت ضميرك مرتاح انك بتعمل على راحته...
ولو فضل عايش بعد ما الجيران يطفوا الحريقة لازم تفرحوا طبعا....روح المستشفى فى الزيارة
و قله بكل فخر و عنطزة يابابا انا بقيت اسمع الكلام بالحرف الواحد ....
و احكيلة على عمك لما اتصل و قالك تصحيه عشان ابوه مات و انت رفضت عشان تسيبه يرتاح....
ساعتها بقى نتيجة سمعان الكلام راح تبان و هاتشوف على وش ابوك رد فعل غريب ,,,اوعى تستغربه...دى الفرحة...لو حصل رعشة فى الايدين او تشنجات دى سعادة مفرطة...بس خد بالك انك لو سمعت صوت صفارة من الجهاز بتاع القلب يبقى ابوك فى خطر من زعله على ابوه الله يرحمه,,,اوعى تقف ساكت حاول تفرحه....احكيله بقى ساعتها على الحوار بتاع النار ده و ازاى انت وقفت وقفة الابطال وسط النيران و انت بتدافع عن نومه ,,,حتى لما النار مسكت فيه انت خفت تحاول تطفيها عشان مايصحاش ولا يقلق من نومه...
قبل ماكلام ك يخلص هاتلاقى صوت الصفارة بتاعت القلب انكتم خالص,,,مبروك انت نجحت فى مهمتك فى اسعاد والدك و سكتله صوت الصفارة عشان يعرف ينام تانى....
بس للاسف بقى القضاء و القدر يتدخل فى لحظة السعادة دى و ابوك هيموت موتة ربنا....بس ولا يهمك...ده مات فرحان بيك و اهو برضه ارتاح من اخواتك ووجع قلب الخلفة و العيال....

استنى منى نصايح عشان تسعد بيها امك برضه....و السلام عليكم

آل ايه..ثانوية

قد كنت فى الاعدادية للثانوية شاغفاً
و عندما دخلتها فمنها خائفا

عندما دخلتها كنت مسرورا
و ابعد الامتحان اصبحت مكسورا

فالمواد عسيرة و صعبة
و المادة منهم محتاجة مائة (اعدة)

انها مواد غريبة...انها بالفعل مواد مريبة
لا هى للاذكياء..ولا للاغبياء....ولكنها من نوعها فريدة

فالصبح (جود افتر نون)..والليل (جوتن تاج)
و قد اصبح مخى من كتر الحفظ صاج

فقواعد و قراءة و تعبير
و حفظ للنصوص كاننا حمير

و فى النهاية...اود ان اشكو للسيد وزير التعليم
و لكن دعوه ...فهو ايضا (بهيم)

اه يا أمى

مش كنتى تقولى يامه ان الزمن جرى بيا
و العمر عدى و راح و انا مغمى عينيا

سنين كتيرة عدت منها ولا خدت بالى
و لما ضهرى اتنى بديت اقول انا مالى

اتارى الهم بيهد و بيجرى السنين
و حتط ايدى عالخد بتزود فى الحنين

حنينى للى راح و الفرح راح معاه
و كل يوم افتكره و احلم انى القاه

لو الموت ياخدنى عشان اشوف عنيه
اشوفه نتكلم المس ايديه

ادينى ليك مستنى بيا موت تعالى خدنى
و لو اموت دلوقتى هاقابله و اخده فى حضنى

تعالى يا موت كتير انا بستنى
انك تجمعنى بيه و من تانى نتهنى

عشقت يا موت من كتر عشقى ليه
و بستناك كتير من كتر شوقى ليه

و لمست وشى بايدى لقيت رسم الزمان
سمنى خط خط الله عليه فنان

بكل يوم عدى راسم خطوط خطوط
و اكن وشى بيسجل ولا حاجه عليه بتفوت

و شفت صورتى بعينى لقتنى لسه شباب
غمضتها و فتحت لقيت شيبى من العذاب

اتارى عمرى قلبل و انا لسه صغير
و شكلى زى ماهو ولا شئ فى وشى اتغير

بس قلبى الهم جرى عمرى كتير
و بقيت فى الشكل صغير و بهمى عجوز كبير

مش كنتى تقولى يامه فوق يابنى من الاحزان
لا الحزن ده يوم يهدك و تشيب قبل الاوان

ماخلاص يا امى انسى مانا شبت قبل اوانى
و الحزن سكن قلبى و الهم بقى عنوانى

خدينى يامه فى حضنك و بقوة ضمينى
دى دموعى يامه فى حضنك من الهم تشفينى


21.06.2007
 

life,,simply a flower

Every good thing in our life is just like a flower....
as long as we wait for the flower to grow,,
to be perfect,,,
as long as we wait n wish good stuff happens,,
dreams come true,,we get happy life...
BUT...
as fast as the flower dies if we dont care for it.....
as fast as good things dies too..

STiLL...
we take good care for some flowers but they however dies...
also some things in our lives can die,,,
even if we did our best to keep it alive...

day and night comes over,,,it will never keep dark forever...
just have hope to see the sunshine..

Withou you

without you,,i have no place to go
without you,,i'll say to love no

without you,,i have no wings to fly
without you,,i might be livin but ma heart will die

without you,,i have no aim
without you,,i feel nothin but pain

without you,,my night is full of tears
without you,,i'm not able to face my fears

without you,,i'll no longer have dreams
without you,,all my laugh deep in me are screams

without you,,my pen will no longer write
without you,,wats the diff. in wrong and right

so many words to say
so many feelings in me
im just asking you to stay
coz you leaving is killin me

without you my sky is no more blue..
without you dead alive i am without you..
coz for ever im loving you...


the harder we love the more we feel pain,,but to end that love is .....